जालना – तालुक्यातील निरखेडा येथील रहिवाशी प्रकाश शेषराव राठोड यांनी पोलीस अधिक्षक जालना यांना दिलेल्या निवेदनामध्ये म्हटले आहे की,त्यांची मुलगी आरती प्रकाश राठोड वय १३ वर्षे हिला अनिल गोविंद राठोड वय २७ वर्षे याने दि.१२/०५/२०२० पासुन बेपत्ता केली आहे. या विषयीची तक्रार मौजपुरी पोलीस ठाण्यात दिलेली आहे.
परंतु अद्यापही तिचा शोध लागलेला नाही. मुलगी हि अल्पवयीन असल्यामुळे तसेच तिच्यात समजूतदारपणा नसल्यांने अनिल गोविंद राठोड यांने तिला अमिष दाखवुन बेपत्ता केले आहे.तसेच त्या मुलापासुन माझ्या मुलीच्या जिवीताला धोका आहे. जेंव्हा-जेंव्हा मौजपुरी पोलीस ठाण्यात विचारपुस केली असता,तीथे ऊडवा-ऊडवीची ऊत्तरे मिळत आहे.तसेच आम्हाला सांगत आहे की,तुम्ही शोधा मग मी त्यांना घेऊन येतो असे पोलीस ठाण्याचे पोलीस सांगत आहेत. मुलीला तात्काळ शोधण्याचे आदेश देऊन , त्या मुलावर कडक कायॅवाही करण्यात यावी व मला न्याय देण्यात यावा अशी विनंती प्रकाश शेषराव राठोड यांनी पोलीस अधिक्षक जालना यांना दिलेल्या निवेदनाद्वारे मागणी केली आहे.
