बाबाराव इंगोले – तालुका प्रतिनीधी धामणगांव रेल्वे
अमरावती येथिल संस्थेच्या अध्यक्षा निलीमाताई पवार ह्या गरीब , निराधार पारध्यांच्या मुलांना तसेच गुन्हेगारी क्षेत्रातून वळवून त्यांचे समूदेशन करून त्यांना शिक्षणाच्या मुख्य प्रवाहात आणन्याचे काम निलीमाताई बरेच दिवसापासून सातत्याने करीत आहे .
राजूरा येथिल पारधी बेढ्यातील गरीब , निराधार मुलांना एकञ करून त्यांना शिकण्यासाठीचे व माणुसकीचे जीने जगण्याचे धडे देत आहे . सोबतच मुलांना मध्यांतरी जेवण पण देतात , काल त्यांचा पोलीस मिञ परीवार समन्वय समिती अमरावती पदाधिकाऱ्यांना फोन आला की , माझ्या मुलांना जेवणा करीता काहीच धान्य नाही , करीता आपण आम्हास तातडीने मदत करावी . याची पोलीस मिञ परीवार समन्वय समिती अमरावती पदाधिकाऱ्यांनी गंभीर दखल घेवून त्वरित पोलीस मिञ परीवार समन्वय समितीचे भातकूली तालुकाध्यक्ष कुंदन गजभिये यांनी आपल्या मुलांचा जन्मदिवस साजरा न करता त्या गरीब , निराधार मुलांच्या भोजनांच्या व्यवस्थेसाठी त्या मुलांन करीता प्रत्यक्षात त्या ठीकाणी जावून धान्य भेट दिले व त्यांची परीस्थिती जाणून घेतली . यावेळी प्रदेश सल्लागार मा . सुभाषजी सोळंके , मनिष गुडदे विभागीय प्रमूख , कैलास विंचूरकर अमरावती जिल्हाध्यक्ष राजेंद्र तांबेकर अमरावती जिल्हा महासचिव , कुंदन गजभिये तालुकाध्यक्ष भातकूली यांच्या प्रमुख उपस्थितीत ” आधार फासे पारधी ” या संस्थेस धान्य भेट दिले. या प्रसंगी आपल्या संस्थेस काही अडचण आल्यास व मदत लागल्यास पोलीस मिञ परीवार समन्वय समितीच्या पदाधिकाऱ्यांशी संपर्क करावा . पोलीस मिञ परीवार समन्वय समिती महा.राज्य सदैव तुमच्या पाठीशी उभी राहील .असे मनोगत प्रदेश सल्लागार मा . सुभाषजी सोळंके सर यांनी व्यक्त केले . ” आधार फासे पारधी संस्थेच्या ” सर्वश्री निलीमाताई पवार यांनी पदाधिकाऱ्यांचे आभार व्यक्त केले . समितीने राबविलेल्या या उपक्रमाचे सर्व स्तरातून कौतक केले जात आहे .
