तरुणीच्या गुप्तांगातुन स्वेब घेणाऱ्या आरोपीस दहा वर्षाची शिक्षा…!

मनिष गुडधे – अमरावती जिल्हा प्रतिनिधी

कोरोना चाचणीसाठी गेलेल्या एका तरुणीच्या गुप्तांगातून स्वॅब घेणाऱ्या एका आरोपीला जिल्हा व सत्र न्यायाधीश ( क्रमांक २ ) व्ही . एस . गायकी यांच्या न्यायालयाने बुधवारी १० वर्षे सश्रम कारावासाची शिक्षा ठोठावली . अल्केश अशोकराव देशमुख ( ३२ , रा . पुसद ) असे शिक्षा झालेल्या आरोपीचे नाव आहे . ही घटना २८ जुलै २०२० रोजी दुपारी बडनेरा ठाण्याच्या हद्दीतील मोदी ट्रामा केअर रुग्णालयात घडली होती . पीडित तरुणी काम करणाऱ्या मोठ्या डिपार्टमेंटल स्टोअरमधील एक कर्मचारी २४ जुलै २०२० रोजी कोरोना पॉझिटिव्ह आला होता . त्यामुळे स्टोअरमधील २० कर्मचाऱ्यांना २८ जुलै रोजी दुपारी बडनेरा येथील मोदी ट्रामा केअर हॉस्पिटल येथे कोरोना चाचणीसाठी पाठविण्यात आले होते . येथे अल्केश देशमुख हा प्रयोगशाळा तंत्रज्ञ म्हणून कार्यरत होता . आता बनणार कृत्रिम गर्भाशय , रोबो होणार दाई ! त्याच्याकडे तोंडाद्वारे स्वॅब घेण्याची जबाबदारी होती . यावेळी अल्केशने तरुणीसह तिची मैत्रिण व इतर कर्मचाऱ्यांचे स्वॅब घेतले . त्यानंतर त्याने पीडितेला तुझी टेस्ट पॉझिटिव्ह आली आहे . आता गुप्तांगाद्वारे स्वॅब घेऊन टेस्ट करावी लागेल , असे सांगितले .त्यामुळे पीडितेने ही बाब आपल्या मैत्रिणीला सांगितली . त्यानंतर दोघींनी अल्केशकडे जाऊन रुग्णालयात महिला कर्मचारी नाही का , अशी विचारणा केली . त्यावर अल्केशने तुम्हाला वाटल्यास जाऊ शकता , असे सांगितले . त्यानंतर अल्केश हा दोघींनाही आतमधल्या खोलीमध्ये घेऊन गेला . त्याने पीडितेचा गुप्तांगात स्टीक टाकून स्वॅब घेतला काही दिवसांनी पीडितेने ही बाब आपल्या भावास सांगितली भावाने चौकशी केली असता हा धक्कादायक प्रकार उघडकीस आला होता या संदर्भात दाखल तक्रारीवरून गुन्हा दाखल करून पोलिसांनी दोषा रोप पत्र न्यायालयात दाखल केले होते या प्रकरणी न्यायालयाने सर्व बाबी तपासून आरोपी ला दहा वर्षे कैदेची शिक्षा ठोठावली त्या मुळे खळबळ उडाली आहे .