सय्यद तौसीफ
लोणार
नुकतेच लोणार पोलीस स्टेशन मध्ये नव्याने रुजू झालेले ठाणेदार प्रदीप ठाकूर यांचा जमियते उलमाए हिंद शाखा लोणार च्या शिष्टमंडळाच्या वतीने शुक्रवारी दिनांक ३ सप्टेंबर २०२१ रोजी जंगी सत्कार करण्यात आला. ठाणेदार प्रदीप ठाकुर हे ठाणेदार रवींद्र देशमुख यांच्या जागी रुजू झालेले आहे.
कर्तव्यदक्ष आणि कार्यतत्पर स्वच्छ प्रतिमेचे पोलीस अधिकारी म्हणून ओळखले जाणारे प्रदीप ठाकूर लोणार नगरीला लाभले यानिमित्ताने जमियतच्या शिष्टमंडळाने त्यांची भेट घेऊन पुष्पगुच्छ, मिठाई, विविध प्रकारचे खुशबूदार सेंट अत्तर तसेच सप्रेम भेट देऊन त्यांचा सत्कार करण्यात आला. त्यानंतर शहरांच्या विविध विषयांवर अनेक मुद्द्यावर चर्चा करण्यात आली. या अगोदर लोणार पोलीस स्टेशन मध्ये कार्यरत असलेले ठाणेदार रवींद्र देशमुख यांनी मागील दोन वर्षांमध्ये उल्लेखनीय कामगिरी करून लोणार करांच्या हृदया मध्ये आपली एक विशिष्ट ओळख व छाप निर्माण करून सोडली होती . कोरोना सारख्या महा भयंकर परिस्थितीमध्ये सुद्धा त्यांनी यशस्वीरित्या परिस्थितीला हाताळले त्याच प्रकारे नवीन ठाणेदारांना सुद्धा लोणार शहराच्या प्रगती व पुढील वाटचाली करिता शुभेच्छा आणि सदिच्छा देण्यात आले.
यावेळी जमियत उलमाचे लोणार तालुका अधयक्ष हाजी मोहम्मद रिजवान मोहम्मद नासेर (जडडा), शहराध्यक्ष हाफीज शेख आयाज साहब, हाजी शेख मसूद सेठ, हाजी रिजवान खान करामत खान, शेख गफूरभाई, वासिक अहमद खान मनसब खान तसेच इतर सर्व सदस्य उपस्थित होते.
