पत्रकार संतोष जाधव दर्पण राज्यस्तरीय पुरस्काराने सन्मानित

       -राष्ट्रीय पत्रकार दिनी गौरव–

प्रतिनिधी( रवि आण्णा जाधव )
देऊळगांवमही/ ऑल जर्नलिस्ट अँड फ्रेंड सर्कलच्या वतीने अकोला येथे दि.16 नोव्हेंबर रोजी राष्ट्रीय पत्रकार दिनानिमित्त राज्यस्तरीय पत्रकार संमेलन व पुरस्कार सोहळयाचे आयोजन करण्यात आले होते.यावेळी बुलढाणा जिल्ह्यातुन देऊळगांवराजा तालुका पत्रकार संघाचे माजी उपाध्यक्ष तथा दैनिक नवराष्ट्रचे प्रतिनिधि संतोष जाधव देऊळगांवमही यांना मान्यवरांच्या हस्ते सन्मानमूर्ती चिन्ह व शाल श्रीफळ देऊन दर्पण राज्यस्तरीय पुरस्काराने सम्मानित करण्यात आले. प्रसिद्ध असलेल्या राधाकुंज कृषी पर्यटन स्थळ अंत्री (अकोला) येथील भव्यदिव्य सभागृहात पुरस्कार सोहळा वितरण करण्यात आला.याप्रसंगी
जेष्ठ पत्रकार जतिन देसाई मुंबई,ऑल जर्नलिस्ट अँड फ्रेंड सर्कलचे केंद्रीय अध्यक्ष यासीन पटेल,प्रदेशअध्यक्ष अजिंक्य गोवेकर,अकोला निवासी उपजिलाधिकारी प्रा.संजय खडसे,अरुण जैन,गणेश कोळी,गिरीश अवघडे पुणे,विश्वस्त दौलत चौथानी,संमेलन संयोजक रोशन शेख,बाळासाहेब ठाकरे यांच्यासह अन्य मान्यवर उपस्थित होते.देऊळगांवराजा
तालुक्यातील देऊळगांवमही सारख्या ग्रामीण भागामधुन मागील 12 वर्षापासून पत्रकारिता क्षेत्रात काम करत तालुक्यासह ग्रामीण भागातील विविध समस्यावर आपल्या लेखणीच्या माध्यमातुन उत्कृष्ट लिखाण करुण त्या प्रश्नाला वाचा फोडण्याचे काम पत्रकार संतोष जाधव यांनी केले आहे.त्याचबरोबर सामाजिक क्षेत्रात देखील त्यांचे चांगले योगदान असून त्यांच्या कार्याची दखल घेऊन दर्पण राज्यस्तरीय पुरस्कार प्रदान करण्यात आला.राज्यस्तरीय पुरस्काराने देऊळगांवराजा तालुक्यात मानाचा तुरा लावल्याने पत्रकार संतोष जाधव यांना तालुका पत्रकार संघाकडून भरभरून शुभेच्छा देण्यात आल्या व त्यांचे सर्व स्तरावरुन अभिनंदन होत आहे.