चिमुकल्याचा आदर्श मोठ्यांनी घ्यावा व शिवस्मारकासाठी मदत करावी… अनिल शिंगणे
प्रतिनिधी:-( रवि आण्णा जाधव )
देऊळगाव मही:-सर्वांच्या मनात शिवरायांचे महत्त्वाचे स्थान आहे. प्रत्येक चांगल्या कामात शिवरायांचे स्मरण होत राहते. रयतेचे राज्य स्थापन करण्यासाठी व त्याकरता लढण्यासाठी तलवार हाती घेण्याची जिगर त्यांच्यात होती. अभ्यास करण्यासाठी आम्हाला त्यांच्यापासून प्रेरणा व जिद्द मिळते म्हणून मला आई बाबा आजोबा, आत्या, मामा यांच्याकडून खाऊ साठी मिळणारे पैसे देऊळगाव मही येथील सारंग महेश दंदाले या चिमुकल्याने खर्च न करता देऊळगाव मही येते होऊ घातलेल्या शिवस्मारकासाठी आर्थिक मदत करून समाजापुढे एक आगळा वेगळा आदर्श निर्माण केला आहे आहे.
तालुक्यातील देऊळगाव मही येथे सामाजिक कार्य नेहमी अग्रेसर असणार डॉक्टर महेश दंदाले व त्यांच्या पत्नी शिल्पा दंदाले यांनी देऊळगाव मही येथे होऊ घातलेल्या शिवस्मारकासाठी योगदान देण्यासाठी पुढाकार घेतला होता यावेळी मि ही देखील शिवस्मारकासाठी योगदान देणार असून मला मिळणारे खाऊसाठी पैसे मी खर्च न करता शिवस्मारकासाठी आर्थिक मदत करणार असल्याचे संकल्प सारंग ने आपल्या आई-वडिलांना सांगितला आई-वडिलांनी देखील त्याला होकार दिला आणि तीन वर्षापासून खाऊचे जमा झालेले रक्कम छत्रपती शिवाजी महाराज यांच्या जयंती दिनी देऊळगाव मही येथील शिवस्मारक समितीचे संयोजक यांना आपण जमा केलेली आर्थिक मदत स्वाधीन केले यावेळी मोठ्या प्रमाणात शिव स्मारक समितीचे सदस्य व शिवप्रेमी उपस्थित होते.
