पाच आरोपींना अटक ,
अमीन शाह
बुलडाणा ,
आज ईद च्या दिवशीच बुलडाणा जिल्ह्यातील बावनबिर येथे ईदगाह परिसरात
तुफान हाणामारी झाली झालेल्या हाणामारीत शेख रफिक शेख गणी वय २७ वर्ष या युवकाला गँभिर दुखापत झाली होती त्यास उपचारार्थ रुग्णालयात भर्ती करण्यात आले होते मात्र उपचारादरम्यान त्याचा मृत्यू झाला आहे.
या प्रकरणी पोलिसांनी ५ व्यक्तींना तात्काळ अटक केली आहे
या नंतर सोनाळा पोलीस स्टेशन कडून मुस्लिम बांधवांना शांततेचे आवाहन करण्यात आले.
सोनाळा पोलीस स्टेशनचे ठाणेदार श्रीधर गुट्टे आपल्या ताफ्यासह घटनास्थळी दाखल झाले असून गावात तगडा पोलीस बंदोबस्त लावण्यात आला आहे ,
या प्रकरणी मिळालेल्या माहिती नुसार संग्रामपूर तालुक्यातील बावनबिर येथील टुनकी मेन रोड वरील आज सकाळी ७:३० वाजता दरम्यान ईदगाव परिसर समोरील जुन्या वादातून एकमेंकांना जबर मारहाण झाल्याची गंभीर घटना घडली. आज रमजान ईद निमित्त गावातील समस्त मुस्लिम बांधव नमाज पठण करण्याकरिता जात असताना अचानक दोन्ही गटातील व्यक्तीं आमने सामने आले एकामेकांना गंभीर स्वरूपाचे मारहान करण्यात आली या ठिकाणी उपस्थित पोलीस व ग्रामस्थ यांनी दोन्ही गटाच्या नागरिकांना शांततेचे आवाहन करण्यात आले.आणि आज घडलेल्या गंभीर घटनेतील व्यक्तींना पोलिसांनी ताब्यात घेतले…!जुन्या वादातून एकमेकांची खुन्नस काढुन ईदगाव च्या समोरील मोठमोठ्याने शिवीगाळ करत तुफान हाणामारी करत असल्याची माहिती पोलिसांना मिळाली. ठाणेदार श्रीधर गुट्टे हे घडलेल्या घटनास्थळी तात्काळ गाठत परिस्थितीवर नियंत्रण मिळवले. या प्रकरणी अद्याप गुन्हा दाखल करण्यात आला नसून पोलिसांची प्रक्रिया सुरू आहे
