यवतमाळ / हरिश कामारकर
भरधाव येणाऱ्या कारने ट्रकला मागाहून जबर धडक दिली. यात कारचालकासह दोघे जागीच ठार झाले तर दोघे गंभीर जखमी आहे. हा अपघातवर्धा ते नागपूर महामार्गावरील केळझरच्या उड्डाणपुलावर रात्री आठच्या सुमारास झाला. चालकासह दोघांचा जागीच मृत्यू झाला तर दोघे गंभीर जखमी झाले. सदर अपघात आज बुधवार ला रात्री आठ वाजताच्या दरम्यान केळझर येथील वर्धा नागपूर महामार्गावर असलेल्या उड्डाणंपुलावर घडला.
नागपूरकडून एम.एच.४० बी.एल.१९४२ क्रमांकाचा ट्रक वर्ध्याकडे जात होता. या दरम्यान नागपूरकडून निघालेल्या एम.एच.२९ बी.व्ही.९५९७ क्रमांकाच्या कारने ट्रकला मागाहून जबर धडक दिली. या भीषण धडकेत कारच्या समोरच्या भागाचा चुराडा झाला. यात चालकासह दोघांचा जागीच मृत्यू झाला तर दोघे गंभीर असून त्यांना सेवाग्रामच्या रुग्णालयात दाखल करण्यात आले.एका मृतकाचे नाव अतुल खोडे शास्त्रीनगर यवतमाळ असे असल्याचे बोलल्या जात आहे तर अक्षय गजानन सरदार,यवतमाळ असे गाडी मालकाचे नाव आहे.घटनेची माहिती मिळताच सेलू पोलीस घटनास्थळी दाखल झाले. वृत्त लिहेपर्यंत मृताची व जखमीची नावे कळू शकली नाही.
