सेवानगर येथे भव्य महाप्रसादाचे वाटप तथा भव्य मिरवणूक
प्रतिनिधी:-रवि आण्णा जाधव
देऊळगाव मही:-स्थानिक सेवानगर बंजारा वस्ती तांडा येथे तथा अंढेरा येथे बंजारा समाजाचे आराध्य दैवत असलेल्या संत सेवालाल महाराज यांची २८४ वी जयंती १५ फेब्रवारी ला उत्साहात साजरी करण्यात आली.तसेच सेवानगर तथा अंढेरा गावात पारंपरिक नृत्य सादर करत संपूर्ण सेवानगर तथा अंढेरा गावातुन महाराजांच्या प्रतिमेची मिरवणूक काढण्यात आली.मोठ्या संख्येने बांधव तथा महिला वर्ग सहभागी होत्या.महिलांनी पारंपरिक वेशभूषा केलेली होती.सेवानगर येथे सकल बंजारा समाजाच्या वतीने सायंकाळी भव्य महाप्रसादाचे आयोजन करण्यात आले होते.सर्व भरगच्च कार्यक्रम विनोदभाऊ चव्हाण यांच्या नेतृत्वाखाली पार पडले.
अंढेरा ग्रामपंचायत कार्यालय येथे सरपंच सौ.रुपालीताई आंबिलकर यांच्या हस्ते सेवालाल महाराजाच्या प्रतिमेचे पूजन करण्यात आले.तसेच अंढेरा पोलिस स्टेशन,जि.प.शाळा तसेच ठिक ठिकाणी सेवालाल महाराजांची जयंती उत्साहात साजरी करण्यात आली.
*[मंदिर समितीच्या अध्यक्षपदी विनोद भाऊ चव्हाण यांची निवड*]
सेवानगर जगदंबा याडी व सेवालाल महाराज मंदिर निर्माण समितीच्या अध्यक्षपदी मा.ग्रा.सदस्य तथा प्रगतीशील शेतकरी विनोदभाऊ मोतीराम चव्हाण यांची सर्वानुमते निवड करण्यात आली.यावेळी त्यांचे सर्वानुमते पुष्पगुच्छ देऊन स्वागत करण्यात आले.
