वाशिम:-समाजात शांतता व सुव्यवस्था नांदावी व अवैध धंद्यांवर प्रतिबंध व्हावा यासाठी वाशिम जिल्हा पोलीस दलातर्फे सतत विशेष मोहिमा राबवत सतत कारवाया सुरु असतात. काहीजण छुप्या पद्धतीने अवैध धंदे करण्याचा प्रयत्न करतात अशा आरोपींविरुद्ध कडक कायदेशीर कारवाई करण्याचे आदेश मा.पोलीस अधीक्षक श्री.बच्चन सिंह (IPS) यांनी दिले आहेत.
त्या अनुषंगाने दि.२६.०५.२०२३ रोजी परिविक्षाधीन पोलीस उपअधीक्षक श्री.अमर मोहिते यांच्या पथकाने महाराष्ट्र शासनाकडून प्रतिबंधित असलेला वरली मटका जुगार खेळत असतांना पो.स्टे.वाशिम ग्रामीण हद्दीतील ग्राम राजगाव जवळील वाशिम-हिंगोली रोडवरील बंद असलेल्या प्रजापती धाब्यासमोर धाड टाकून ०४ आरोपींसह ०४,१५,३००/- रुपयांचा मुद्देमाल ताब्यात घेतला आहे. परिविक्षाधीन पोलीस उपअधीक्षक श्री.अमर मोहिते यांना गुप्त बातमीदारांमार्फत मिळालेल्या माहितीच्या आधारे ग्राम राजगाव जवळील बंद असलेल्या धाब्याजवळ पंचांसह जावून काही इसम प्रतिबंधित वरली मटक्याच्या पैश्यांचा हारजीतवर जुगार खेळतांना दिसले वरून त्यांच्यावर धाड टाकत आरोपींकडून जुगार साहित्य, नगदी व ०१ मोबाईल, १५ मोटार सायकली असा एकूण अं.किं.०४,१५,३००/-रु. चा मुद्देमाल जप्त केला आहे. सदर आरोपींवर पो.स्टे.वाशिम शहर येथे कलम १२ (अ) मजुका अन्वये गुन्हा दाखल केला असून पुढील कायदेशीर कारवाई सुरु आहे.
सदरची कारवाई पोलीस अधीक्षक श्री.बच्चन सिंह (IPS), अपर पोलीस अधीक्षक श्री.भारत तांगडे यांचे मार्गदर्शनात परिविक्षाधीन पोलीस उपअधीक्षक यांचे सोबत सपोनि.भारत लसंते, पोहेकॉ.प्रेमदास हनमूल, नापोकॉ.निलेश तायडे, पोकॉ.अमोल कांबळे, रोशन राठोड, मपोकॉ.अर्चना जाधव यांनी पार पाडली. सर्व जनतेस सुजाण नागरिक या नात्याने अशा प्रकारची काही तक्रार असल्यास नियंत्रण कक्षास माहिती द्यावीत्या इसमाचे नाव गोपनीय ठेवण्यात येईल, असे आवाहन वाशिम जिल्हा पोलीस दलातर्फे करण्यात येत आहे.
प्रतिनीधी:-फुलचंद भगत
मंगरुळपीर/वाशिम
मो.8459273206
