अमीन शाह
बुलडाणा ,
दर्पण पत्रकार व संपादक फाउंडेशन या संघटनेच्या प्रथम वर्धापन दिनानिमित्त दिनांक 30 जुलै 2023 रोजी एका सत्कार समारंभाचे आयोजन करण्यात आले आहे. सदरच्या सत्कार समारंभात पत्रकारिता क्षेत्रात उल्लेखनीय कार्य करणाऱ्या पत्रकारांना मान्यवरांच्या हस्ते सन्मानित करण्यात येणार आहे. या सत्कार समारंभा मध्ये मातृतीर्थ बुलडाणा जिल्ह्यातील मोताळा तालुक्यातील दोघांचा समावेश करण्यात आला आहे. यामध्ये महाराष्ट्र लढा पत्रकार संघटनेचे संस्थापक अध्यक्ष लुकमान शाह व साप्ताहिक आपला जिल्हा आपली प्रगती चे मुख्य संपादक हनिफ खान बिलन खान यांना सन्मानित करण्यात येणार आहे. सदरचा सत्कार समारंभ रवी भवन सिव्हील लाईन नागपुर येथे मान्यवरांच्या उपस्थितीत संपन्न होणार आहे.
सदरच्या कार्यक्रमाचे उद्घाटन जय महाकाली शिक्षण संस्था चे पं. शंकरप्रसाद अग्निहोत्रीजी व बीजेपी दिव्यांग आघाडी राज्य प्रदेश संयोजक जयसिंग चव्हाण यांच्या हस्ते पार पडणार आहे. तर सदरच्या कार्यक्रमाला प्रमुख उपस्थिती म्हणून पत्रकारिता क्षेत्रातील विविध मान्यवरांची उपस्थिती लाभणार आहे. महाराष्ट्र लढा पत्रकार संघटनेच्या माध्यमातून लुकमान शाह यांनी तळागाळातील पत्रकारांना न्याय देण्याचे वेळोवेळी प्रयत्न केले आहे त्यांच्या वर होणाऱ्या अन्याय अत्याचाराविरुद्ध वेळोवेळी शासनाकडे विविध प्रकारचे
आंदोलने करून न्याय मिळवून दिला आहे या आधी सुद्धा लुकमान शाह यांना सामाजिक तथा पत्रकारिता क्षेत्रातील विविध प्रकारच्या सर्वोच्च पुरस्काराने सन्मानित करण्यात आले आहे.
तसेच आपला जिल्हा आपली प्रगती या साप्ताहिकाच्या माध्यमातून संपादक हनीफ खान यांनी आपल्या लेखणीच्या माध्यमातून समाजातील विविध समस्यांना वाचा फोडून अनेकांना न्याय मिळवून देण्याचा प्रामाणिक प्रयत्न केला आहे त्याची दखल घेत दर्पण पत्रकार व संपादक फाउंडेशन नागपूर यांच्यावतीने प्रथम वर्धापन दिनानिमित्त आयोजित सोहळा व सत्कार समारोहात या दोन्ही मान्यवरांचा सत्कार करण्यात येणार आहे.
