विद्यार्थ्याच्या हातातून मोबाईल हिसकावून पळून गेलेल्या आरोपींना वाशीम पोलिसांनी ठोकल्या बेड्या ,

वाशिम शहरातील जबरी चोरी उघड करण्यात स्थानिक गुन्हे शाखेला यश ; आंतरराज्यीय आरोपीसह ०४ मोटारसायकली व मोबाईलसह २.४८ लाखांचा मुद्देमाल हस्तगत

फुलचंद भगत
वाशिम:-समाजामध्ये शांतता व सुव्यवस्था नांदावी व कायद्याचे राज्य अबाधित राखावे यासाठी वाशिम जिल्हा पोलीस दल सदैव दक्ष असून नागरिकांच्या मालमत्तेची चोरी/नुकसान करणाऱ्याविरुद्ध कडक कायदेशीर कारवाई केली जाते. नुकतेच वाशिम शहरामध्ये पोलीस भरतीच्या तयारीसाठी आलेल्या विद्यार्थ्याकडून मोबाईल हिसकावून घेत पळ काढत जबरी चोरी करणाऱ्या ०२ आरोपींना अटक करून त्यांच्याकडून चोरीच्या ०४ मोटारसायकली व ०१ गुन्ह्यातील मोबाईल जप्त करत २.४८ लाखांचा मुद्देमाल हस्तगत करण्यात स्थानिक गुन्हे शाखेला यश प्राप्त झाले आहे.

वाशिम शहरातील जगदंबा अभ्यासिका येथे स्पर्धा परीक्षेची तयारी करण्यासाठी आलेल्या विद्यार्थ्याकडून तो नगर परिषद समोर रस्त्याने मोबाईलवर बोलत असतांना त्याच्या हातातून मोबाईल हिसकावून घेत पळ काढत जबरी चोरीची घटना घडली होती. सदर प्रकरणी पो.स्टे.वाशिम शहर येथे अप.क्र.६३८/२३, क.३९२, ३४ भा.द.वि. नुसार गुन्हा नोंदविण्यात आला होता. सदर प्रकरणाचा तपास करत असतांना स्थानिक गुन्हे शाखेच्या पथकाने प्राप्त गोपनीय माहितीच्या आधारे व आपले तांत्रिक तपास कौशल्य पणाला लावून आरोपी निष्पन्न केले व वाशिम जिल्ह्यातील ग्राम वारा जहागीर येथून ०२ आरोपी नामे सोहेल खान मेहमूद खान, वय २४ वर्षे, रा.राजौध, तहसील सरदारपूर, जि.धार, राज्य – मध्यप्रदेश ह.मु.वारा जहागीर, ता.जि.वाशिम व प्रशांत पंजाब हिवराळे, वय ३२ वर्षे, रा.वारा जहागिर, ता.जि.वाशिम या ०२ आरोपींना ताब्यात घेतले. सदर आरोपींकडून ०१ मोबाईल, गुन्ह्यात वापरलेली मोटारसायकल व मध्यप्रदेश येथून चोरलेल्या इतर ०२ मोटारसायकल तसेच पो.स्टे.वाशिम शहर येथे दाखल अप.क्र.२७९/२२, क.३७९ भादंवि मधील चोरीस गेलेली ०१ मोटारसायकल अशा एकूण ०४ मोटारसायकली असा एकूण अं.किं.२,४८,०००/-रु.चा मुद्देमाल जप्त करण्यात आला असून पुढील तपास सुरु आहे.

सदरची कारवाई मा.पोलीस अधीक्षक श्री.बच्चन सिंह(IPS), अपर पोलीस अधीक्षक श्री.भारत तांगडे यांच्या मार्गदर्शनाखाली पोनि.रामकृष्ण महल्ले, स्थानिक गुन्हे शाखा, वाशिम यांचे पथक सपोनि.रमाकांत खंदारे, सपोनि.जगदीश बांगर, पोना.अमोल इंगोले, प्रवीण राऊत, ज्ञानदेव मात्रे, महेश वानखेडे, आशिष बिडवे, पोशि.विठ्ठल महाले, विठ्ठल सुर्वे सर्व नेमणूक स्था.गु.शा., वाशिम यांनी पार पाडली.

प्रतिनीधी:-फुलचंद भगत
मंगरुळपीर/वाशिम
मो.8459273206