➡️ घाटंजी तालुक्यातील घोटी ग्रामपंचायतचा उपक्रम..!
( अयनुद्दीन सोलंकी )
————————-
घाटंजी : घाटंजी तालुक्यातील घोटी ग्रामपंचायत अंतर्गत ‘मेरी मिटी, मेरा देश’ अंतर्गत घोटी येथील सरपंच शुभांगी पुसनाके यांच्या अध्यक्षतेखाली कार्यक्रम आयोजित करण्यात आला.
‘मेरी मिटी, मेरा देश’ अंतर्गत यावेळी पंचप्राण शपथ घेणे, शिला फलक अनावरण, माजी सैनिक यांचा सत्कार, वृक्ष लागवड आदीं कार्यक्रम आयोजित करण्यात आले होते.
या वेळी घोटी ग्रामपंचायतच्या सरपंच शुभांगी पुसनाके, उपसरपंच विनय जाधव, घोटी येथील तंटामुक्त गांव समितीचे अध्यक्ष अरविंद जाधव, माजी सरपंच प्रमोद राठोड, माजी सरपंच शिवाणी जुग्नेश तोडसाम, ग्रामपंचायत सदस्य पवन चव्हाण, ग्रामपंचायत कर्मचारी सिद्धार्थ लढे, पाणी पुरवठा कर्मचारी राजु जाधव, डाटा ऑपरेटर संदीप कोरवते सह माजी सरपंच व उपसरपंच यांच्या उपस्थितीत कार्यक्रम संपन्न झाला.
घाटंजी पंचायत समितीचे गट विकास अधिकारी महेश ढोले यांच्या मार्गदर्शनाखाली सदर कार्यक्रम आयोजित करण्यात आला होता. कार्यक्रमाचे प्रास्ताविक व संचालन घोटी ग्रामपंचायतचे सचिव राजाराम बोईनवाड यांनी केले.
